150 ضبًا في مرمى النفايات في سوق الحمام بالمدينة !!!

[ريم البراري]

http://www.almadinapress.com/images/thumbnails/76918.jpg
تخلّص أحد بائعى الضبان من 150 ضبًا في إحدى حاويات النظافة بالقرب من سوق الطيور والحمام بالمدينة المنورة نتيجة لاختناقها داخل الأكياس أثناء جلبها إلى السوق. يقول المواطن خالد محمد الخطابي: إن بائعًا جلب ما يقارب من 150 ضبًا في (أكياس) بقصد بيعها في سوق الحمام بالمدينة المنورة، ولكن طريقته الخاطئة في اصطيادها وجلبها إلى السوق أدَّت إلى نفوقها . ودعا إلى الحفاظ على هذه الثروة الحيوانية من الانقراض على أيدي أشخاص يدَّعون الصيد.

المدينة

[بارق الوسم]

يالله خذ عاااالم ضااااائعه .. وما لقت اللي يأدبها ..

يا ناس أيّ بشر هؤلاء ..

الحيوانات المفترسة وهي حيوانات ؟! ما تصيد ولا تأكل إلاّ حاجتها .. ؟؟؟!!

لكن من يوقف هؤلاء عند حدهم ..

مسكين أنت ايه الضب .. سيتذكرك الأجيال القادمه ويتأملون في صورتك ..

ويقولووووون : كان هناك حيوان قد عاش في السابق يسمى ضباً .. وانقرض ..

إن لم يسعفه وينقذه المنقذون ..

شكرا لك ريم على الخبر اللي يتك الخلق ..

[ريم البراري]

والله ياخوي حتى انا ضاق صدري
هذا لو بياخذ له 150 جلدة كان ماسوا هالسوات السوداء
هذا الجشع وحب الفلوس
ولانه عارف مافيه قانون يحمي الضب ولا يعاقبه
وفعلا من امن العقوبة اساء الأدب

[بـدر]

شاعرنا الكبير الأستاذ سليمان بن عبد العزيز الشريف يتوجه إلى الهيئة
الوطنية لحماية الحياة الفطرية ويوجه رسالة إلى الشباب من هواة هذا النوع من الصيد بهذه القصيدة الفاكهية الهادفة..

لقيت لي ضب وحاولت اصيده=قلت اظهراغديك رزوعصيده
واسمعك من عقب هذاقصيده=لا شك عيا قال مــــــــــانيب لله
قعدت انا واياه خذها وذقها =وفيوز صبري من عناده حرقها
والزهبة اللي في جرابي سرقها=قال انقلع عظني مقفاك يالله
اخذت حالي قلت والله لا ربيك =من عكرتك ياضب لازم اعريك
لا تحسب ان الجحر عني يذريك=خل المعاند عنك ياضب خله
قال انت وش بيني وبينك تبلان=وتذكرن في قصة فلان وفلان
كم حاولوا قبلك وذاالراس مالان =ما اطيعك الا كان بالراس خله
قعدت افكر ساعة ويش اسوي=واحترت ما ادري اينا اللي مهوي
والضب عني محتمي ومتقوي =يقول سيفك كان تقدر فسله
عز الله اني طحت لي في مطمه=يالعنبو هالضب لا رحمت امه
قام يتحداني ولانيب يمه =اخطيت بهجومي عليه بمحله
ياخوفتي من كثرة القيل والقال =ياحيف كيف الضب عجز برجال
ذاالسالفه يالربع دايم البال =وش رايكم لو ننشره بالمجله
بعض النفوس ان كان ربي هداا=عرفت خطاها وانهت ماتعله
لعل بعض الناس يدرك مداها=باذهانهم تبقى يلعلع صـــــــــداها
ياصايد الضبان وش بك عليها =تركض وراها دايم مبتليها
تبي اللحم ؟ عليك بولد بليهان =اونجدي مثنى من الضان تله
كم واحد راح بسبب صيد ضبان =اما بلسعة عقرب او لدغ ثعبان
او بالصحاري تاه ظامي وتعبان=الماء قضى ولابه احد يدله
قام يتشهد يوم شرف على الموت=والموت حق ومالحي عنه فوت
لا شك موت يشبه الموت كتكوت =باسباب ضب فيه غبن ومذله
مامن وراء الضبان ياناس عيشه =خص اللي شحت عليها المعيشه
خلوا لها باقي حياته تعيشه =ولا تزيدونه على الطين بله